2021-2022 ուստարվա առարկայական օլիմպիադաների մեկնարկը տրված է: Դպրոցականները մրցում են «Մաթեմատիկա», «Ֆիզիկա», «Աստղագիտություն», «Կենսաբանություն», «Ինֆորմատիկա», «Քիմիա» և «Աշխարհագրություն» առարկաներից։ Հաղթողներին սպասում է հաջորդ դժվարին, բայց պատվավոր փուլը:
Օլիմպիադաները կազմակերպվում են երեք փուլով՝ դպրոցական, մարզային, հանրապետական և անցկացվում են համապատասխան խմբերով՝ ըստ դասարանների: Օլիմպիադայի բոլոր փուլերի ներկայացված առաջադրանքների տարբերակները` ըստ խմբերի, կազմում է հանրապետական առարկայական հանձնաժողովը:
Արդեն հայտնի են ՀԱՊՀ Ավագ դպրոցի առարկայական օլիմպիադայում հաջողություն գրանցած աշակերտների անունները։
Ինֆորմատիկա առարկայից հաջողության են հասել Դավիթ Յայլոյանը և Գարիկ Միրաքյանը, մաթեմատիկայից՝ Արսեն Ասատրյանը, Ազատ Թորոսյանը, Նարեկ Մովսիսյանը, Սեդա Ռևազյանը, Մարիա Դանիելյանը, Հասմիկ Հովսեփյանը, Հայկ Հովսեփյանը, աստղագիտությունից՝ Սոնա Գրիգորյանը , Արամ Զաքարյանը, Վլադիմիր Մանուկյանը, Հրաչյա Միկոյանը, Արտաշես Մկրտչյանը, Անի Մխիթարյանը, աշխարհագրությունից՝ Սոնա Կարապետյանը։
Առաջիկայում առարկայական օլիմպիադայի մարզային փուլն է: ՀԱՊՀ Ավագ դպրոցի փոխտնօրեն Նելլի Համբարձումյանի համոզմամբ՝ օլիմպիադայում հաջողություն գրանցելը արդեն նշանակում է որակյալ կրթության ապահովում:
Շնորհավորում ենք մեր աշակերտներին և մաղթում նորանոր հաղթանակներ։