Ամբիոններ
Ամբիոնի մասին
«Ընդհանուր քիմիա և քիմիական պրոցեսներ» ամբիոնը ներկայումս գործում է Հայաստանի ազգային պոլիտեխնիկական համալսարանի Քիմիական տեխնոլոգիաների և բնապահպանական ճարտարագիտության ֆակուլտետի կազմում: Այն ստեղծվել է «Ընդհանուր քիմիա», «Ֆիզիկական և կոլոիդ քիմիա», «Անալիտիկ քիմիա» «Ֆիզիկական քիմիայի և էլեկտրաքիմիական արտադրությունների տեխնոլոգիա», «Ընդհանուր քիմիա և անալիտիկ քիմիա», «Տեսական քիմիա», «Քիմիական տեխնոլոգիայի գործընթացներ և ապարատներ», ամբիոնների հիման վրա:
Ընդհանուր քիմիայի և քիմիական պրոցեսների ամբիոնն ունի 10 լաբորատորիա, 2 մասնագիտացված լսարան և ուսումնական գործընթացն ապահովելու համար անհրաժեշտ պայմաններ:
Ընդհանուր քիմիայի և քիմիական պրոցեսների ամբիոնն ունի նաև անգլալեզու ուսուցման ծրագիր՝ բակալավրիատում:
Ընդհանուր քիմիայի և քիմիական պրոցեսների ամբիոնում դասավանդում է 12 մասնագետ, որոնցից 2-ը պրոֆեսոր (գիտությունների դոկտոր՝ 2), 8-ը դոցենտ (գիտությունների թեկնածու՝ 8), 1-ը դասախոս, 1-ը ասիստենտ (գիտությունների թեկնածու՝ 1) և 5-ը լաբորանտ են (գիտությունների թեկնածու՝1):
Ընդհանուր քիմիայի և քիմիական պրոցեսների ամբիոնը ապահովված է ուսումնամեթոդական գրականությամբ:
Ընդհանուր քիմիայի և քիմիական պրոցեսների ամբիոնը, ուսումնական և գիտական գործընթացները լիարժեք դարձնելու, փոխշահավետ տնտեսվարում իրականացնելու, շրջանավարտներին կայուն աշխատատեղերով ապահովելու, ուսումնաարտադրական պրակտիկան կազմակերպելու նպատակով համագործակցում է հետևյալ կազմակերպությունների հետ՝ «ՀԱԷԿ» ՓԲԸ, «ԱՏ-ՄԵՏԱԼՍ» ՍՊԸ, ք.Երևան, Երևանի «Դիատոմիտ» ՍՊԸ, ՀՀ ԳԱԱ Օրգանական և դեղագործական քիմիայի գիտատեխնոլոգիական կենտրոն, ՀՀ Բնապահպան. Նախարարություն ՇՄՎՆ մոնիթորինգի կենտրոն ՊՈԱԿ, ՀԱԱՀ հիմնադրամ «Ագրոկենսատեխնոլոգիայի գիտական կենտրոն» մասնաճյուղ, Մխիթար Հերացու անվան պետական բժշկական համալսարանի, բժշկական քիմիայի ամբիոն, ՀՀԳԱ «Հայ կենսատեխնոլոգիա ինստիտուտ» գիտահետազոտական կենտրոն, «Ագրոսայնս» ԳԱ ՍՊԸ, «Ազատ ֆորմասյութիքլզ» ՍՊԸ, «VVINEX» ՍՊԸ Գերմանիա, Ռոստոկի և Մազդեբուրգի համալսարաններ, Գերմանիա, ՌԴ Քիմիական ֆիզիկայի ինստիտուտ, Թբիլիսիի պետական համալսարան (Վրաստան), Քեմբրիջի համալսարանի Քիմիական տեխնոլոգիաների դեպարտամենտ. Մեծ Բրիտանիա, Ցյուրիխի պետական համալսարան, Շվեյցարիա:
[/cmsmasters_featured_block]
Ամբիոնի մասին
ՀԱՊՀ «Քիմիա-կենսա և բնապահպանական տեխնոլոգիաներ» ամբիոնը համալսարանի ուսումնական և գիտական կառուցվածքային ստորաբաժանում է, որը միավորում է քիմիական տեխնոլոգիաներ /օրգանական նյութերի քիմիական տեխնոլոգիա, սիլիկատային և դժվարահալ ոչ մետաղական նյութերի քիմիական տեխնոլոգիա, էլեկտրաքիմիական արտադրությունների տեխնոլոգիա, դեղանյութերի քիմիական տեխնոլոգիա), պարենամթերքի տեխնոլոգիա (պարենամթերքի տեխնոլոգիա և կենսատեխնոլոգիա) և շրջակա միջավայրի պաշտպանություն (քիմիական արդյունաբերության ճյուղում) մասնագիտությունների ուսումնական գործառույթի որոշակի մասի, գերազանցապես մասնագիտական ուսուցումը և համապատասխան ուսումնամեթոդական ու գիտահետազոտական գործընթացը: Այն ստեղծվել է ՀԱՊՀ ռեկտորի հրամանով 2016թ. մայիսին` «Քիմիական տեխնոլոգիաներ» ու «Կենսատեխնոլոգիա և բնապահպանական տեխնոլոգիաներ» ամբիոնների հենքի վրա` ներառելով առաջին ամբիոնի , «Քիմիական տեխնոլոգիաներ» մասնագիտությունները և մյուս ամբիոնի մասնագիտություններն ամբողջովին:
Ամբիոնը համալսարանի հնագույն ուսումնագիտական ստորաբաժանումն է: Նախ գործել է Երևանի պետական համալսարանի, ապա 1933 թվականից, նորաստեղծ Պոլիտեխնիկական ինստիտուտի քիմիական ֆակուլտետի կազմում: Գլխավոր նպատակն էր պատրաստել երկրի համար հույժ անհրաժեշտ «Օրգանական նյութերի և սինթետիկ կաուչուկի տեխնոլոգիա» մասնագիտությամբ քիմիագործ-ինժեներներ:
1976 թվականին «Օրգանական նյութերի քիմիական տեխնոլոգիա» մասնագիտության խումբը բաժանվեց երկու մասի, և երկրորդ խումբը մասնագիտացավ «Ֆիզիոլոգիական ակտիվ նյութերի քիմիական տեխնոլոգիա» ուղղությամբ: Այս փորձը պսակվեց հաջողությամբ, և մի քանի տարի անց ստեղծված ուսումնական ծրագրերի հիման վրա բացվեց նոր մասնագիտացում` «Դեղանյութերի քիմիական տեխնոլոգիա» անվամբ, որը փոխելով իր անվանումը`«Կենսաբանական սինթետիկ ակտիվ նյութերի քիմիական տեխնոլոգիա», 2013-ից վերադարձավ հին անվանմանը:
ԳՀԱԲ-ի կազմակերպման օրից քիմիական լաբորատորիաները հագեցած էին ԳԴՀ-ից ստացված ժամանակակից լաբորատոր կահավորանքով:
2010 թվից բոլոր ՔՏ և ԲՃ ֆակուլտետի բոլոր տեխնոլոգիական մասնագիտությունները միավորվեցին և սկսվեց ամբիոնի նոր վերակառուցում՝ որպես «Քիմիական տեխնոլոգիաների» ամբիոն:
2016թ. մայիսին ստեղծվեց «Քիմիա-կենսա և բնապահպանական տեխնոլոգիաներ» ամբիոնը:
Հայաստանում ամբիոնի կարևոր բարեփոխումներից է նոր մասնագիտությունների ստեղծումը: Դրանք էին «Շրջակա միջավայրի ճարտարագիտական պաշտպանությունը (քիմիական արդյունաբերության ճյուղում)» և «Կենսատեխնոլոգիան»: Լիարժեք մասնագետներ պատրաստելու համար անհրաժեշտ մասնագետներով համալրելու և լաբորատոր բազայով ապահովելու համար համագործակցության պայմանագրեր են կնքվել Երևանի բժշկական համալսարանի և «Կենսատեխնոլոգիա ԳՀԻ» (նախկինում՝ «Ամինաթթուների գիտահետազոտական ինստիտուտ») հետ:
Ամբիոնը վերջին 8-9 տարիներին ակտիվորեն կազմակերպում է ոչ միայն սեմինարներ, հանրապետական գիտաժողովներ, այլև միջազգային գիտաժողովներ: Օրինակ՝ 2011-2017 թթ. ՀՀ Գիտպետկոմի հանձնարարականներով և ՀԱՊՀ, ՀԱՊԿ- Երևանյան բաժանմունքի օժանդակությամբ կազմակերպած կոնֆերանսներին մասնակցել է 200-ից ավելի գիտնականներ արտերկրից: Գիտաժողովի գործնական արդյունքներից են ամբիոնին արտասահմանյան և տեղական դրամաշնորհների տրամադրումը:
Ամբիոնի աշխատանքային գործունեության օղակներից է տարբեր ձեռնարկություններ ուսանողների այցելությունների և համահամալսարանական, ֆակուլտետային (միջֆակուլտետային) սեմինարների կազմակերպումը: Ամբիոնում ակտիվ աշխատանքներ էին տարվում նաև ուսումնամեթոդական աշխատանքների ստեղծման ուղղությամբ: Գործում էր «Երևան քաղաքի մշտական գործող էկոլոգիական սեմինար»` Էներգետիկայի ֆակուլտետի «Շրջակա միջավայրի պահպանության» ամբիոնի հետ: Յուրաքանչյուր տարի հրատարակվում են բազմաթիվ ուսումնական ձեռնարկներ, մեթոդական ցուցումներ` գալով փոխարինելու այլալեզու ուսումնական ձեռնարկներին, բազմաթիվ գիտական հոդվածներ, գերազանցապես արտերկրի մասնագիտական ամսագրերում, ձեռք են բերվում արտոնագրեր, իսկ ՀՀ բարձրագույն կրթահամալիրում առաջին հայալեզու դասագիրքը՝ Օրգանական քիմիայից:
Ամբիոնը համագործակցում է հանրապետության և արտերկրի բազմաթիվ բուհական և գիտական կազմակերպությունների հետ
2013 թ. սկսվել են հետազոտական աշխատանքներ ածխաջրածնային մնացուկներից և տեղական ոչ էներգատար հումքից վառելանյութ ստանալու ուղղությամբ: Աշխատանքները ստացել են գործնական համալրում և պատրաստ են ներդրման, որն իրականացվում է Արցախի Հանրապետությունում:
Վայր: 1-րդ մասնաշենք, Հեռ.: +374 10 52 45 32, Էլ-փոստ: [email protected]